Մայիսի 18-ին Թուրքիայի նախագահ Ռեջեփ Թայիփ Էրդողանի գլխավորությամբ կառավարության նիստ կգումարվի: Քննարկման գլխավոր թեման լինելու է Իսրայելի տարածաշրջանային քաղաքականությունը: Քննարկվելու են Մերձավոր Արևելքում տեղի ունեցող բոլոր զարգացումները, ինչպես նաև դրանց հնարավոր ազդեցությունը երկրի տնտեսության վրա։
Նշվում է Թեհրան-Վաշինգտոն հարաբերություններում պահպանվող անորոշությունը մեծացնում է նաև Հորմուզի նեղուցի շուրջ լարվածությունը։ Նիստում կքննարկվեն ննաև էներգակիրների մատակարարման անվտանգության հարցերը և նավթի գների տատանումները։ Ծոցի տարածաշրջանում զարգացումների տնտեսական հետևանքները ևս կլինեն օրակարգում։
Թուրքիայի կառավարության նիստի մյուս օրակարգային թեման լինելու է «Ահաբեկչությունից զերծ Թուրքիա» նախաձեռնությունը։ Անդրադարձ կկատարվի անվտանգային կառույցների կողմից վերահսկվող զինաթափման գործընթացի ընթացքը:
Աղբյուր՝ Trt Haber
