Թուրքիայում իշխող կուսակցության հետ դաշինքի մեջ գտնվող «Ազգայնական շարժում կուսակցության» (ԱՇԿ-MHP) առաջնորդ Դևլեթ Բահչելին «Ահաբեկչությունից զերծ Թուրքիա» գործընթացի վերաբերյալ հայտարարություն է արել: Վերջինս առաջարկել է ստեղծել մի կառույց, որի շրջանակում իրենց կողմից ահաբեկչական ճանաչված «Քուրդիստանի բանվորական կուսակցության» (PKK-ՔԲԿ) հիմնադիր-առաջնորդ Աբդուլլահ Օջալանը, պահպանելով դատապարտյալի կարգավիճակը, կշարունակի ազդեցություն ունենալ կազմակերպության վրա։
Դևլեթ Բահչելին հայտարարել է, որ «ահաբեկչական կազմակերպությունների լուծարման գործընթացներում ղեկավարության ներսում բազմաձայնությունը կարող է հանգեցնել նոր առաջնորդների ի հայտ գալուն և կազմակերպության վերակազմավորմանը՝ այլ անվանումներով»։ Նրա խոսքով՝ այդ պատճառով անհրաժեշտ է հստակեցնել գործընթացի հիմնական պատասխանատու կողմին։
Բահչելին նշել է, որ Աբդուլլահ Օջալանին, կարելի է օժտել հատուկ սոցիալական կարգավիճակով, ինչը հնարավորություն կտա ավելի կազմակերպված իրականացնել լուծարված «ՔԲԿ»-ի և դրա բաղադրիչների զինաթափման ու գործունեության դադարեցման գործընթացը։ Բահչելին նաև նշել է, որ այդ այդ գործընթացին կարող է տրվել «Խաղաղության գործընթացի և քաղաքականացման համակարգում» գործառույթին համապատասխան ստատուս:
Աղբյուր՝ Kronos
