Թուրքիայում տարեցտարի նվազում է ծնելիության մակարդակը

Թուրքիայի վիճակագրական կոմիտեն (TÜİK) տվյալներ է հրապարակել ծնելիության մակարդակի վերաբերյալ։ Թուրքիայում ծնված երեխաների թիվը 2025-ին կազմել է 895.374։ Տոկոսային առումով այդ երեխաների 51.4%-ը եղել են տղաներ, իսկ 48.6-%ը՝ աղջիկներ։
Ստացվում է, որ Թուրքիայում 2025-ին ընդհանուր ծնելիության գործակիցը մեկ կնոջ հաշվով կազմել է 1.42։ Այս ցուցանիշը 2001-ին կազմում էր 2.38 և նվազման միտում սկսվել է նկատվել 2014-ից սկսած։

Թուրքիայում ծնելիության մակարդակը բարձր է հատկապես Շանլըուրֆա նահանգում, որտեղ մեկ կնոջ հաշվով ծնելիության գործակիցը կազմում է 3.15։ Շանլըուրֆային հաջորդում են Շըրնաքը՝ 2.53 և Մարդինը՝ 2.23 երեխայով, իսկ ամենացածր ցուցանիշը գրանցվել է Բարթինում (1.09) և Իզմիրում (1.10)։

Եվրամիության (ԵՄ) անդամ երկրների ցանկում ամենաբարձր ծնելիության մակարդակը գրանցվել է Բուլղարիայում (1.72 գործակից), իսկ ամենացածրը՝ Մալթայում (1.01 գործակից)։ Նշենք, որ ԵՄ միջին ցուցանիշը հաշվարկվում է 1.34 երեխա։ Ըստ այդմ՝ Թուրքիան եվրոպական երկրների շարքում 1.42 ցուցանիշով զբաղեցնում է 11-րդ տեղը։

Աղբյուր՝ Medyascope.tv