Թուրքիայի նախագահականի ներդրումների և ֆինանսների գրասենյակի հրապարակած զեկույցի համաձայն՝ Մեծ Բրիտանիան ամրապնդել է իր դիրքերը Թուրքիայում օտարերկրյա ուղղակի ներդրումներ իրականացնող առաջատարների շարքում:
Ըստ զեկույցի՝ 2025-ին Մեծ Բրիտանիան հայտարարել է Թուրքիայում 21 նոր ներդրումային նախագծի մասին՝ ծրագրերի քանակով զբաղեցնելով 9-րդ հորիզոնականը, և 8-րդը՝ ըստ ներդրումային ծավալի: Վերջինս պարտավորություն էր ստանձնել ապահովել 840 մլն դոլարի կապիտալ։
Այս ցուցանիշները կազմում են 2025-ին Թուրքիայում իրականացված ընդհանուր ներդրումային ծրագրերի 4․4 և կապիտալի վերաբերյալ ստանձնած պարտավորությունների ծավալի 4%-ը։ Լոնդոնցի ներդրողների համար Թուրքիայում հիմնական թիրախային ուղղություններն են եղել «5G» հեռահաղորդակցության ենթակառուցվածքները և ծրագրային ապահովման ոլորտը:
Աղբյուր՝ Ekonomi Gazetesi
