Թուրքիայի արտգործնախարար Հաքան Ֆիդանը պաշտոնական այցով կմեկնի Սինգապուր։ Նախատեսվում է հանդիպում Սինգապուրի վարչապետ Լոուրենս Վոնգի, արտաքին գործերի նախարար Վիվիան Բալակրիշնանի և ներքին գործերի նախարար ու ազգային անվտանգության համակարգող Կ. Շանմուգամի հետ։
Ակնկալվում է, որ Ֆիդանը կանդրադառնա Թուրքիայի և Սինգապուրի միջև 2015-ին ստորագրված ազատ առևտրի համաձայնագրի հիման վրա երկկողմ առևտրի ծավալի ավելացմանը, փոխադարձ ներդրումների դիվերսիֆիկացման և ամրապնդման կարևորությանը, ինչպես նաև Սինգապուրի հետ ռազմարդյունաբերության ոլորտում համագործակցությանը։
Նշենք, որ երկու երկրների առևտրի ընդհանուր ծավալը 2025-ին հասել է 1.07 մլրդ դոլարի։ Սինգապուրի ներդրումները Թուրքիայում 2002 թվականից ի վեր հասել են մոտ 11 մլրդ դոլարի, որից 1 մլրդ դոլարը՝ ուղղակի ներդրումների և 10 մլրդ դոլարը՝ պորտֆելային ներդրումների։
Նախատեսվում է, որ հանդիպումների ընթացքում կքննարկվեն ռուս-ուկրաինական հակամարտությունը, Պաղեստինի հարցը, Իրանի ու Հորմուզի նեղուցի հարցը, իրավիճակը Սիրիայում և այլ տարածաշրջանային ու համաշխարհային հարցեր։
Աղբյուր՝ Anadolu
