Թուրքիայի արտաքին գործերի նախարար Հաքան Ֆիդանը հանդիպել է Բուլղարայի արտգործնախարար Վելիսլավա Պետրովա-Չամովայի հետ: Հանդիպումից հետո Ֆիդանը հանդես է եկել հայտարարություններով:
Նա նշել է, որ մի եվրոպական ճարտարապետություն, որտեղ Թուրքիան չունի իր արժանի տեղը, դատապարտված է թերի մնալու, իսկ ճգնաժամերին դիմակայելու Եվրոպայի կարողությունը՝ թուլանալու։
«ԵՄ-ի տնտեսական ապագան կախված է նրա մրցունակության բարձրացումից, դիմակայունության ամրապնդումից և մերձավոր տարածաշրջանում մատակարարման շղթաների վերականգնումից։ Այս համատեքստում Թուրքիայի հետ տնտեսական ինտեգրման խորացումը ԵՄ-ի համար ռազմավարական անհրաժեշտություն է»,- ընդգծել է Թուրքիայի արտգործնախարարը։
Անդրադառնալով երկկողմ հարաբերություններին՝ Ֆիդանը հայտնել է, որ բուլղարացի գործընկերոջ հետ վերահաստատել են Քափըքուլեի հյուսիսային հատվածում նոր սահմանային անցակետ կառուցելու համատեղ ցանկությունը: Նա հավելել է, որ Թուրքիան և Բուլղարիան գործում են որպես «երկու դաշնակից հարևան», և նրանց գործընկերության ամրապնդումից «շահում է տարածաշրջանը»։
Աղբյուր՝ Hürriyet
