Անկարայում ԱՄՆ դեսպան և Սիրիայի հարցով ԱՄՆ հատուկ ներկայացուցիչ Թոմ Բարաքը հանդիպել է Թուրքիայի արտաքին գործերի նախարար Հաքան Ֆիդանի հետ։ Հանդիպումից հետո ամերիկացի դիվանագետը հայտարարել է, որ ԱՄՆ-Թուրքիա գործընկերությունը շարունակում է շոշափելի արդյունքներ արձանագրել։
Թե՛ Թուրքիայի ԱԳՆ-ն և թե՛ Բարաքը հանդիպման վերաբերյալ սոցցանցում գրառում են կատարել: ԱՄՆ դեսպանը նշել է, որ Ֆիդանի հետ արդյունավետ քննարկում են ունեցել Անկարայում կայանալիք ՆԱՏՕ-ի գագաթնաժողովի նախաշեմին։
«Որպես ընդհանուր նպատակներ ունեցող հզոր դաշնակիցներ՝ ԱՄՆ-Թուրքիա գործընկերությունը շարունակում է շոշափելի արդյունքներ տալ»,- ընդգծել է Բարաքը։
Թեև կողմերը հանդիպման բովանդակության վերաբերյալ մանրամասն հայտարարություն չեն տարածել, սակայն հայտնի է, որ բանակցությունները տեղի են ունեցել ՆԱՏՕ-ի գագաթնաժողովի նախապատրաստական աշխատանքների և երկկողմ հարաբերությունների օրակարգային փուլում։
Աղբյուր՝ Rudaw
