Եվրամիության (ԵՄ) ընդլայնման հարցերով հանձնակատար Մարթա Կոսը խոսել է Միջին միջանցքում Թուրքիայի դերի մասին։ Նա մասնավորապես նշել է․
«Ես չեմ կարող պատկերացնել ուժեղ Միջին միջանցք և այս բոլոր թվային, էներգետիկ և առևտրային հարաբերություններն առանց Թուրքիայի ուժեղ մասնակցության»։
Կոսը նշել է, որ կշարունակեն շփումները Թուրքիայի հետ ու կհանդիպի կհանդիպի թուրք պաշտոնյաների հետ։ Նա նաև նշել է, որ այս ամսվա վերջին կայցելի Անկարա՝ ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալլասի և ԵՄ ներքին գործերի և միգրացիայի հարցերով հանձնակատար Մագնուս Բրունների հետ միասին։
Կոսն ընդգծել է, որ ԵՄ-Թուրքիա հարաբերությունները զարգանում են երկու տարբեր ուղղություններով ու չնայած այս փուլում անդամակցության գործընթացում առաջընթաց չի գրանցվել, կապի օրակարգի հետ կապված դեռ շատ բան կա անելու։
Աղբյուր՝ Haberglobal
