Եգիպտոսը ռազմաօդային ուժերի արդիականացման ծրագրի շրջանակում դիտարկում է Թուրքիայի կողմից արտադրվող 5-րդ սերնդի «KAAN» կործանիչների ձեռքբերման հնարավորությունը։
Մամուլի հրապարակումներում նշվում է, որ Եգիպտոսի ռազմաօդային ուժերի արդիականացման ծրագրում «KAAN»-ը դիտարկվում է որպես հիմնական թեկնածուներից մեկը։ Ըստ նույն աղբյուրների՝ Կահիրեն հետաքրքրված է ոչ միայն ինքնաթիռների գնմամբ, այլև տեխնոլոգիաների փոխանցմամբ, որոշ բաղադրիչների տեղական արտադրությամբ և արտադրական գծերի ստեղծմամբ։
Միաժամանակ նշվում է, որ այս հետաքրքրությունը պայմանավորված է Թուրքիայի ռազմարդյունաբերության ոլորտում ստեղծված հնարավորություններով, ինչպես նաև Եգիպտոսի՝ սպառազինության մատակարարումների հարցում ավելի մեծ ինքնուրույնություն ապահովելու ձգտմամբ։
Այդ հնարավոր համագործակցությունն Անկարայում գնահատում են որպես «KAAN»-ի արտահանման հեռանկարներն ընդլայնելու և արտադրական ծախսերը նվազեցնելու հնարավորություն։ Միաժամանակ պաշտոնական հայտարարություն, որը կհաստատի Եգիպտոսի կողմից «KAAN» կործանիչների գնման ցանկության մասին, առայժմ չկա։
Աղբյուր՝ Bengü Türk
