Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Գերմանիայի կանցլեր Ֆրիդրիխ Մերցի հետ։ Կողմերը քննարկել են երկկողմ հարաբերությունները, ինչպես նաև տարածաշրջանային ու միջազգային հարցեր։
Էրդողանը կարևորել է Թուրքիայի ու Գերմանիայի հարաբերությունների զարգացումն ու այդ ուղղությամբ տարվող քայլերը։ Թուրքիայի նախագահը հայտնել է, որ Անկարայում անցկացվելիք ՆԱՏՕ-ի առաջնորդների գագաթնաժողովում ակնկալում է, որ Եվրոպան ՆԱՏՕ-ի շրջանակում կուժեղացնի իր ռազմական կարողությունները և «Տրանսատլանտյան կապի» պահպանման համար կդրսևորի ուժեղ քաղաքական կամք։
Էրդողանը․ խոսելով ռուս-ուկրաինական հակամարտության մասին, նշել է, որ Թուրքիան ձգտում է ապահովել, որ Ռուսաստանի և Ուկրաինայի միջև պատերազմն ավարտվի երկարատև խաղաղությամբ, և հավելել, որ ջանքեր են գործադրվում բանակցությունները վերսկսելու և դիվանագիտական գործընթացը վերակենդանացնելու համար։
Աղբյուր՝ Habertürk
