Թուրքիան և Նիդերլանդները քայլեր են ձեռնարկում տնտեսական հարաբերություններն առավել ամրապնդելու ուղղությամբ։ Հաագայում կայացել է Թուրքիա-Նիդերլանդներ համատեղ տնտեսական և առևտրային հանձնաժողովի (JETCO) 6-րդ նիստը, որին մասնակցել են երկու երկրների պատասխանատու գերատեսչությունների ղեկավարներն ու պաշտոնատար անձինք:
Թուրքիայի առևտրի նախարար Օմեր Բոլաթը նիդերլանցդի գործընկերոջ՝ Շյուրդ Շյուրդսմայի, հետ բանակցությունների ընթացքում մանրամասն քննարկել է առևտրի, ներդրումների, վերականգնվող էներգետիկայի, տրանսպորտի և լոգիստիկայի ոլորտներում ռազմավարական համագործակցության ընդլայնման հնարավորությունները։
Հանդիպման առանցքային թեմաներից է եղել նաև Թուրքիա-Եվրամիություն (ԵՄ) հարաբերությունների օրակարգը։ Անդրադարձ է կատարվել մասնավորապես գործարարների համար վիզային ընթացակարգերի դյուրացմանը, մաքսային միության արդիականացմանը, ինչպես նաև «կանաչ անցման» (շրջակա միջավայրի պահպանությանն ուղղված տնտեսական բարեփոխումներ) վերաբերող հարցերին։
Նշվում է, որ հանձնաժողովի նիստին զուգահեռ անցկացված թուրք և նիդերլանդցի գործարարների համատեղ աշխատաժողովն ու բիզնես ֆորումը կարևոր խթան կհանդիսանան երկու երկրների միջև նոր ներդրումային հնարավորությունների և գործընկերության ձևավորման համար։ Ավարտին կողմերը վերահաստատել են իրենց հանձնառությունը՝ շարունակելու ակտիվ աշխատանքը երկկողմ տնտեսական կապերի խորացման ուղղությամբ։
Աղբյուր՝ Beyaz Belge Haber
