Թուրքիայում ձերբակալվել է «Մեռյալ ծով» ստենդափ շոուի կատակերգու Դենիզ Գյոքթաշը։ Նրան ձերբակալել են Ստամբուլ վերադառնալուն պես՝ օդանավակայանում անձնագրային ստուգման ժամանակ։ Ստամբուլի գլխավոր դատախազությունը հայտարարել է, որ նրա դեմ հետաքննություն է սկսվել՝ հիմնվելով նրա ստենդափ շոուի ժամանակ արված որոշ հայտարարությունների վրա։
Նշվում է, որ նա իր վերջին ստենդափի ժամանակ «կրոնական արժեքներ է վիրավորել» ու այդ մեղադրանքով նրա դեմ հետաքննություն է սկսվել ու նա ձերբակալվել է։
Նշենք, որ որ այդ ստեդափը «YouTube.-ում 1 շաբաթում ունեցել է ավելի քան 8 մլն դիտում և սոցցանցերում լայն քննարկումների տեղիք է տվել։ Նշվում է, որ որոշ հատվածներ լայն արձագանք են ստացել սոցիալական ցանցերում, կատակերգուն դարձել է թիրախ, մասնավորապես՝ կառավարությանը մոտ շրջանակների համար։ Որոշ ժամանակ անց ստենդափին վերաբերող գրառումներին մուտքն արգելափակվել է։
Աղբյուր՝ T24
