ՆԱՏՕ-ի գագաթնաժողովի շրջանակներում Անկարա են մեկնել մի շարք օտարերկրացի լրագրողներ՝ լուսաբանելու գագաթնաժողովը։ Անկարա էր մեկնել նաև գերմանացի լրագրող և բլոգեր Դեյվիդ Մատեին, ով բախվել է Թուրքիայում ինտերնետ կապի և համակարգչային ենթակառուցվածքների վատ որակի խնդրին:
Լրագրողը նշել է, որ անկայուն կապի պատճառով իր աշխատանքը վերածվել է իսկական տանջանքի: Նրա խոսքով՝ նույնիսկ անսահմանափակ սակագնային փաթեթներով «E-SIM» քարտերի ակտիվացումը Թուրքիայում բարդ գործընթաց է, իսկ որոշ ժամանակ անց կապի արագությունը միտումնավոր նվազեցվում է:
«Երբեմն 8-9 տեսանյութ ունեմ հերթագրված, որոնք պետք է արագ ներբեռնեմ սոցցանցերում, բայց այսպիսի սարսափելի ինտերնետի պատճառով դա պարզապես չարչարանք է»,- դժգոհել է Մատեին՝ իրավիճակը համեմատելով Եվրամիության երկրների հետ, որտեղ ռոումինգն ու կապն անխափան են գործում:
Նշենք, որ Թուրքիան եվրոպական երկրների շարքում համարվում է ամենաթանկ, բայց միևնույն ժամանակ ամենավատ ինտերնետ հասանելիություն ունեցող պետություններից մեկը:
Աղբյուր՝ Sözcü
