Սիրիայի նախագահ Ահմեդ Շարան շնորհակալություն է հայտնել Թուրքիային և Ծոցի երկրներին Սիրիայի նկատմամբ կիրառվող պատժամիջոցների չեղարկման գործընթացում ցուցաբերած աջակցության համար: Անկարայում ՆԱՏՕ-ի գագաթնաժողովի շրջանակներում ԱՄՆ նախագահ Դոնալդ Թրամփի հետ հանդիպումից առաջ ունեցած ելույթում Շարան նշել է, որ վերջին մեկուկես տարվա ընթացքում աշխատանքներ են տարվել երկրի միասնականության վերականգնման և տնտեսությունը ճիշտ հունի մեջ դնելու ուղղությամբ:
Նա ընդգծել է, որ սիրիացի ժողովուրդը երախտապարտ է բոլոր նրանց, ովքեր աջակցել են իրենց այս գործընթացում, և բարձր է գնահատում ԱՄՆ նախագահի «պատմական որոշումը» պատժամիջոցների վերացման վերաբերյալ: Ըստ Շարայի՝ Սիրիան նոր շրջանում շարունակելու է ընթանալ կայունության, զարգացման և տնտեսական աճի նպատակների իրականացման ճանապարհով:
Աղբյուր՝ TRT Haber
