Թուրքիայի առևտրի նախարար Օմեր Բոլաթը խոսել է Թուրքիայի և Սիրիայի միջև տնտեսական հարաբերությունների զգալի աշխուժացումից: Ըստ նախարարի՝ նախորդ տարի՝ 2025-ին, երկու երկրների միջև առևտրաշրջանառությունն աճել է 45%-ով, իսկ 2026-ի առաջին 7 ամսում արդեն իսկ գրանցվել է 16 տոկոսանոց աճ:
Բոլաթը նշել է, որ Սիրիան Թուրքիայի համար ռազմավարական նշանակություն ունեցող տարանցիկ կետ է դեպի Ծոցի տարածաշրջան և Հյուսիսային Աֆրիկա հասնելու համար, իսկ Թուրքիան Սիրիայի համար՝ դարպաս դեպի Եվրոպա և Կովկաս: Նրա խոսքով՝ այժմ երկու երկրների միջև գործում է 6 սահմանային մաքսակետ:
Նշվել է նաև, որ զուգահեռաբար աշխատանքներ են տարվում տրանսպորտային ենթակառուցվածքների ընդլայնման ուղղությամբ: Մինչև տարեվերջ նախատեսվում է վերաբացել Նուսայբին-Քամիշլո սահմանային անցակետը:
Աղբյուր՝ TRT Haber
