Թուրքիան ու Բուլղարիան քննարկել են տրանսպորտային համագործակցությունը

Թուրքիայի տրնասպորտի և ենթակառուցվածքների նախարար Աբդուլքադիր Ուրալօղլուն մեկնել է Սոֆիա և հանդիպել Բուլղարիայի տրանսպորտի և կապի նախարար Գեորգի Պեևի հետ։ Նախարարները քննարկել են երկու երկրների միջև տրանսպորտի ոլորտում համագործակցության բարելավման ուղիները։

Հանդիպման ընթացքում ընդգծվել է Բուլղարիայի ռազմավարական կարևորությունը Միջին միջանցքի, Զարգացման ուղու և Ժամանակակից Հեջազ երկաթուղու եվրոպական կապերի գործում՝ ընդգծելով, որ երկու երկրներն էլ կարևոր գործընկերներ են այս նախագծերում։

Ուրալօղլուն նշել է, որ Թուրքիան և Բուլղարիան շարունակելու են հետևողական աշխատանքները՝ երկու երկրների տրանսպորտային ամուր կապերի միջոցով Եվրոպայի և Ասիայի միջև առևտրային ու լոգիստիկ ցանցերում ավելի մեծ ներդրում ապահովելու նպատակով։

Աղբյուր՝ Edirnesonhaber.com