Թուրքիայի աշխատանքի և սոցիալական ապահովության նախարար Վեդաթ Իշըքհանն Անկարայում հանդիպել է Լիբիայի ազգային միասնության կառավարության աշխատանքի և վերականգնման նախարար Ալի Ալ-Աբեդ Ալ-Ռիդայի հետ։
Քննարկվել են երկու երկրների հարաբերությունները, աշխատաշուկաները և սոցիալական ապահովության ոլորտում համագործակցությունը։ Կողմերի միջև փոխըմբռնման հուշագիր է ստորագրվել աշխատանքի ու զբաղվածության ոլորտում։
Հուշագրի նպատակն է ստեղծել երկրների միջև աշխատանքի և զբաղվածության ոլորտում հարաբերությունների պլանավորված, կարգավորված և ինստիտուցիոնալ կառուցվածք։ Համաձայնագիրը նախատեսում է տեղեկատվության, փորձի փոխանակում երկու երկրների աշխատանքի նախարարությունների միջև։
Ստորագրված փաստատթուղթը ներառում է մասնագիտական ուսուցում, աշխատուժի ծրագրեր և գործազրկության դեմ պայքար։
Աղբյուր՝ Hibya
