Սաուդցի պաշտոնաթող գեներալ. «Թուրքիան վստահելի դաշնակից է»

Սաուդյան Արաբիայի պաշտոնաթող գեներալ Մուհամմեդ Սալիհ ալ-Հարբին հարցազրույց է տվել կատարական «Al Jazeera» հեռուստալիքին։ Նա անդրադարձել է Թուրքիայի հետ հարաբերություններին և ծրագրվող երկաթուղային նախագծի կառուցմանը։

Ալ-Հարբիի խոսքով՝ թուրք-սաուդական հարաբերությունները գտնվում են շատ առաջադեմ մակարդակի վրա։

«Թուրքիան վստահելի գործընկեր ու դաշնակից է։ Թուրքերը խոշոր նախագծեր ունեն Սաուդյան Արաբիայում։ Նույնիսկ ռազմական ոլորտում «Baykar» ընկերության հետ Սաուդյան Արաբիան մտել է գործընկերային հարաբերությունների մեջ»,- նշել է նա։

Խոսելով երկաթուղային նախագծի մասին՝ սաուդցի գեներալը հայտնել է, որ երկու երկրների տրասնպորտի նախարարները համաձայնագիր են ստորագրել և տվել նախագծի մեկնարկը։ Ըստ նրա՝ դա ռազմավարական վերափոխում է, որը ազդեցություն կունենա համաշխարհային տրանսպորտի մատակարարման շղթաների ու լոգիստիկայի վրա։

Սալիհյ ալ-Հարբին նաև ընդգծել է, որ այդ երկաթուղին կարող է վերափոխել Ասիայի ու Եվրոպայի տրանսպորտային ցանցը։

Աղբյուր՝ Benguturk