Թուրքիայի բարձրաստիճան ղեկավարությունը մեկնել է Էր-Ռիադ

Թուրքիայի արտգործնախարար Հաքան Ֆիդանը, պաշտպանության նախարար Յաշար Գյուլերը և ԶՈՒ գլխավոր շտաբի պետ Սելչուք Բայրաքթարօղլուն մեկնել են Սաուդյան Արաբիա՝ մասնակցելու «Մեքքայի ռազմական համաձայնագրի» ռազմավարական քաղաքականության համատեղ նիստին։

Նախատեսվում է, որ Էր-Ռիադում կքննարկվեն դաշինքի ինստիտուցիոնալացման գործընթացին առնչվող հարցեր ու Մերձավոր Արևելքի խաղաղությանն ու կայունությանը սպառնացող սպառնալիքները։ Ակնկալվում է, որ Ֆիդանը կանդրադառնա տարածաշրջանում հակամարտությունների խաղաղ ճանապարհով կարգավորմանը։

Աղբյուրի համաձայն՝ Ֆիդանը կվերահաստատի Թուրքիայի աջակցությունը Սաուդյան Արաբիային՝ հութիների հարձակումների դեմ ու կընդգծի, որ անընդունելի են սրբազան վայրերի թիրախավորող գործողությունները։

Աղբյուր՝ TRT Haber