Թուրքիայի նախագահ Ռեջեփ Թայիփ Էրդողանի և Ղազախստանի նախագահ Կասիմ-Ժոմարտ Տոկաևի գլխավորությամբ կայացել է թուրք-ղազախական պատվիրակությունների հանդիպումը։
Թուրքիայի առևտրի նախարար Օմեր Բոլաթի խոսքով՝ հանդիպմանը քննարկվել են երկկողմ համագործակցության հարցեր։ Նա նշել է, որ Ղազախստանի հետ առաջնահերթ նպատակն է հնարավորինս սեղմ ժամկետում երկկողմ առևտրաշրջանառությունը հասցնել 15 մլրդ դոլարի։
Նրա խոսքով՝ երկու երկրների հարաբերություններն ամրապնդվում են առաջնորդների փոխադարձ վստահության և քաղաքական կամքի շնորհիվ, իսկ տնտեսական ու առևտրային համագործակցությունը ընդլայնվում է։
Բոլաթն ընդգծել է, որ Թուրքիայի և Ղազախստանի պատմական եղբայրական կապերը նպաստում են նաև միջազգային և տարածաշրջանային հարթակներում համագործակցության զարգացմանը՝ աջակցելով տարածաշրջանում խաղաղության, կապակցվածության և կայուն զարգացման ամրապնդմանը։
Աղբյուր՝ Anadolu
