Թուրքիայում «Հայկական հարցի» մասին վավերագրական ֆիլմաշար են պատրաստել

Թուրքիայի պատմագիտական ընկերությունը Հայկական հարցի մասին 7 մասանոց վավերագրական ֆիլմաշար պատրաստել է։ Այն ներկայացվում է 5 լեզվով՝ թուրքերեն, անգլերեն, գերմաներեն, ֆրանսերեն և իսպաներեն։

Ընկերության տարածած հաղորդագրության մեջ նշվում է, որ ֆիլմաշարը պատրաստվել է «Հայերի ապստամբությունն Օսմանյան կայսրության դեմ, ահաբեկչություն և քարոզչություն» խորագրի ներքո։ Իսկ ֆիլմաշարի նպատակը տեղական և միջազգային հանրությանն այդ թեմայով տեղեկություններ տրամադրելն է։

Ֆիլմաշարը ներառում է հետևյալ 7 մասերը՝

1. «1915․ ահաբեկչություն և ապստամբություն»
2. «1915․ տեղահանություն և վերաբնակեցում»
3. «Սփյուռք, դիվանագիտություն և քարոզչություն»
4. «ԱՍԱԼԱ․ կրակ և արյուն»
5. «Կեղծ փաստաթղթեր և իրականություն»
6. «Անժամանակ դիվանագիտություն»
7. «Առաջին կրակոցը․ 1915-ին մահմեդական բնակչության նկատմամբ իրականացված բռնությունները»

Նշենք, որ հիշյալ ֆիլմաշարն ակնհայտորեն պատրաստվել է Հայոց ցեղասպանության ժխտման Թուրքիայի պաշտոնական քաղաքականության համատեքստում։

Աղբյուր՝ Haber 7