Իրաքյան Քուրդիստանի վարչապետ Մեսրուր Բարզանին Էրբիլում ընդունել է Թուրքիայի «Ժողովրդավարություն և առաջընթաց» կուսակցության (DEVA) նախագահ Ալի Բաբաջանին։
Հանդիպման ընթացքում քննարկվել են տարածաշրջանային կայունությանն առնչվող հարցեր, ինչպես նաև Թուրքիայի ներքաղաքական զարգացումները։ Կողմերը վերահաստատել են իրենց աջակցությունը Թուրքիայում ընթացող խաղաղության գործընթացին՝ ընդգծելով երկխոսության և խաղաղ կարգավորման կարևորությունը։
Անդրադարձ է կատարվել նաև Իրաքյան Քրդստանի ներքաղաքական իրավիճակին։ Մասնավորապես, կարևորվել է Քրդստանի խորհրդարանի աշխատանքի վերականգնումը։
Հանդիպման ընթացքում դրական է գնահատվել նաև Իրաքյան Քրդստանի նախագահ Մասուդ Բարզանիի՝ քաղաքական ճգնաժամը հաղթահարելու և լայն ներկայացվածություն ունեցող կառավարություն ձևավորելու կոչը։
Աղբյուր՝ Rudaw
