Թուրքիան 7-րդ անգամ անընդմեջ վերընտրվել է ՄԱԿ-ի Հեռահաղորդակցության միջազգային միության (ITU) խորհրդի կազմում՝ ապահովելով անդամակցությունը 2027-2030 թթ. համար։ Երկիրը խորհրդի անդամ է 2002 թ.-ից։
Հեռահաղորդակցության միջազգային միությունը ՄԱԿ-ի մասնագիտացված կառույց է, որը համակարգում է հեռահաղորդակցության և տեղեկատվական տեխնոլոգիաների ոլորտում միջազգային համագործակցությունը։
Ընտրություններն անցկացվել են Կատարի մայրաքաղաք Դոհայում՝ կազմակերպության լիազոր ներկայացուցիչների համաժողովի շրջանակում։
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտարարել է, որ երկրի անդամակցությունը խորհրդին կշարունակվի նաև առաջիկա տարիներին՝ ընդգծելով Թուրքիայի մասնակցությունը կապի տեխնոլոգիաների զարգացմանն ու համաշխարհային թվային օրակարգի ձևավորմանը։
Թուրքիայի ԱԳՆ-ն, իր հերթին, վերընտրվելը գնահատել է որպես գիտության և տեխնոլոգիաների ոլորտում երկրի նկատմամբ միջազգային վստահության արտահայտություն։
Աղբյուր՝ Anadolu
Նոր ձերբակալություններ Թուրքիայում․ թիրախում են քաղաքական գործիչներն ու փաստաբանները
Գործողությունները քննադատել է «Ժողովուրդների հավասարության և ժողովրդավարության» (DEM) կուսակցությունը։





