Թուրքիայի նախագահ Ռեջեփ Թայիփ Էրդողանն Ադրբեջանից վերադառնալիս ինքնաթիռում պատասխանել է լրագրողների հարցերին:
Անդրադառնալով Հալեպում առկա լարվածությանը՝ ինչպես նաև հյուսիսային և հարավային Սիրիայի ինքնավար վարչակազմի ու Դամասկոսի ժամանակավոր կառավարության միջև ընթացող հանդիպումներին, Էրդողանն ասել է.

«Մենք այս հարցում հստակ դիրքորոշում ունենք: Երբեք թույլ չենք տա, որ Սիրիան կրկին հայտնվի անկայունության մեջ: Թուրքիան ուշադիր հետևում է տեղի ունեցող բոլոր զարգացումներին: Սիրիայի դեմոկրատական ուժերը պիտի պահեն իրենց տրված խոստումը։ Պիտի լիակատար ինտեգրվեն Սիրիայի կազմում»:

Բացի այդ Էրդողանը շեշտել է, որ բոլոր նրանք, ովքեր իրենց ուղվածությունը կթեքեն դեպի Անկարա և Դամասկոս, ապա դրանից միայն կշահեն:

Հիշեցնենք, որ Էրդողանը հոկտեմբերի 7-ին մեկնել էր Ադրբեջանի Գաբալա քաղաք՝ մասնակցելու «Թյուրքական պետությունների կազմակերպության» 12-րդ գագաթնաժողովին:

Աղբյուր՝ Artigercek