Իրաքյան Քուրդիստանի ղեկավար Նեչիրվան Բարզանիի խնդրանքով Թուրքիան հանել է թռիչքների արգելքը դեպի Իրաքյան Քուրդիստանի Սուլեյմանիե քաղաք։
Ավելի վաղ Անկարայում Թուրքիայի նախագահ Ռեջեփ Թայիփ Էրդողանի հետ հանդիպման ընթացքում Բարզանին խնդրել էր վերացնել արգելքը, ինչին ի պատասխան Էրդողանն ասել էր․ «Քո խոսքը չի մերժվի»։
Ինչպես հայտնում է թուրքական աղբյուրը, Էրդողանը տեղում զանգահարել է Թուրքիայի քաղաքացիական ավիացիայի վարչության ղեկավարին և կարգադրել չեղարկել արգելքը, որը վերջերս կրկին երկարաձգվել էր:
Նման քայլից հետո Քուրդիստանի ղեկավարությունը շնորհակալություն է հայտնել Էրդողանին՝ նշելով, որ այս որոշումը վկայում է Անկարայի և Էրբիլի միջև ամուր հարաբերությունների մասին։
Հիշեցնենք, որ արգելքն ուժի մեջ էր մտել 2023-ի գարնանը: Նշվում է, որ այն պայմանավորված է եղել Թուրքիայի կողմից ահաբեկչական ճանաչված «Քուրդիստանի բանվորական կուսակցության» (ՔԲԿ-PKK) Սուլեյմանիեում ունեցած ազդեցությամբ և օդանավակայանը վերջիններիս կողմից օգտագործելու փաստով, որը անվտանգության տեսանկյունից անհանգստացրել էր թուրքական կողմին:
Աղբյուր՝ Medyascope
