Թուրքիան էներգետիկ հնարավորությունները բարելավելու համար նոր ընկերություն կհիմնի

«TEKNOFEST»-ի ղեկավար խորհրդի, Թուրքիայի տեխնոլոգիական թիմի հիմնադրամի (T3 Vakfı) հոգաբարձուների պատվիրակության նախագահ և «Baykar» ռազմարդյունաբերեկան ընկերության տեխնիկական տնօրեն Սելչուք Բայրաքթարն անդրադարձել է երկրի ժամանակակից տեխնոլոգիական կարողություններին՝ ընդգծելով, որ այժմ արհեսատական բանականության մշակման ուժն այժմ որոշվում է էներգետիկ կարողունակություններով:

Բայրաքթարը, ով նաև Թուրքիայի նախագահ Ռեջեփ Թայիփ Էրդողանի փեսան է, հայտարարել է, որ այդ կարիքները հոգալու համար նոր ընկերություն են բացելու՝ ինչն այս փուլում միջուկային էներգիայի տեսանկյունից ծայրահեղ կարևոր դերակատարում ունի:

Նման հայտարարություններով վերջինս հանդես է եկել «T3 Vakfı»-ի, արդյունաբերության և տեխնոլոգիայիների նախարարության և նախագահականի ներդրումների և ֆինանսական գրասենյակի գլխավորությամբ կազմկակերպված «Take Off İstanbul 2025» ձեռներեցության գագաթնաժողովի շրջանակներում:

Բայրաքթարը 2 օր տևած գագաթնաժողովում խոսել է նաև «Baykar» ընկերության հաջողությունների մասին և նշել , որ այն աշխարհում անօդաչու թռչող սարքեր (ԱԹՍ) արտադրող ամենամեծ ընկերությունն է:

«Աշխարհում ավիացիայի պատմության մեջ 1-ին անգամ անօդաչու թռչող սարքն իր տեսանլեիությունից դուրս թիրախը օդում խոցել է՝ առաջնորդվելով ռադարներով: Ինչ-որ առումով այն բացել է ավիացիոն նոր պատմության դռները: Սա արել ենք մեր սեփական ինքնաթիռով, ռադարով և հրթիռով»,- հավելել է նախարարը՝ պնդելով, որ իրենք հեղափոխել են ավիացիոն պատերազմներն աշխարհում:

Աղբյուր՝ Haber.aero