«Թուրքիայի վիճակագրական ինստիտուտը» (TÜİK) հրապարակել է 2026-ի հունվարին արձանագրված գնաճի տվյալները։ Ըստ պաշտոնական վիճակագրության՝ հունվարին սպառողական գների ինդեքսը (TÜFE) ամսական կտրվածքով աճել է 4.84 տոկոսով, իսկ տարեկան՝ 30.65 տոկոսով։
Տարեկան աճի ամենաբարձր ցուցանիշը գրանցվել է բնակարանային և կոմունալ ծառայությունների ոլորտում՝ 45.36 տոկոս։ Սննդամթերքն ու ոչ ալկոհոլային խմիչքները թանկացել են 31.69 տոկոսով, իսկ տրանսպորտը՝ 29.39 տոկոսով։ Տվյալների հրապարակմամբ՝ հայտնի է դարձել նաև փետրվարին վարձակալության գների բարձրացման առավելագույն շեմը, որը սահմանվել է 33.98 տոկոս։ Միաժամանակ արտադրողական գների ինդեքսը (Yİ-ÜFE) հունվարին տարեկան կտրվածքով կազմել է 27.17 տոկոս, իսկ ամսական՝ 2.67 տոկոս աճ։
Այնուամենայնիվ, տնտեսագետների գնահատմամբ՝ տարեկան գնաճի ցուցանիշը հասել է վերջին 50 ամիսների նվազագույն մակարդակին, սակայն գների բարձր աճը շարունակում է բացասական ազդեցություն ունենալ քաղաքացիների գնողունակության վրա:
Աղբյուր՝ Trt Haber
