Թուրքիան և Պակիստանը փոխըմբռնման հուշագրեր են կնքել

Պակիստանի վարչապետ Շահբազ Շարիֆը հանդիպել է Թուրքիայի Գյուղատնտեսական տեխնոլոգիաների կլաստերի (TÜME) տնօրենների խորհրդի նախագահ Աբդուլքադիր Քարագյոզի գլխավորած պատվիրակությանը: Միջանկյալ նշենք, որ կլաստերը փոխկապակցված կազմակերպությունների, ընկերությունների, հաստատությունների և մասնագետների կենտրոնացված միավորում է, որոնք գործում են նույն ոլորտում կամ միմյանց լրացնող ուղղություններով և համագործակցության միջոցով բարձրացնում են իրենց արդյունավետությունն ու մրցունակությունը։

Շարիֆը նշել է, որ Պակիստանն ու Թուրքիան կարող են համատեղ կարևոր դեր խաղալ համաշխարհային սննդի արժեքի շղթայում։ Պակիստանի ու Թուրքիայի միջև գյուղատնտեսության ու անասնապահության ոլորտներում կնքվել է 2 փոխըմբռնման հուշագիր։

Հանդիպմանը ներկա են գտնվել նաև Իսլամաբադում Թուրքիայի դեսպան Իրֆան Նեզիրօղլուն, Պակիստանի արտաքին գործերի նախարար Իսհաք Դարը և Պակիստանի առևտրի ու էկոնոմիկայի նախարարները։

Աղբյուր՝ Hürriyet