«Հիդրոէներգետիկայի միջազգային ասոցիացիայի» կազմած «Համաշխարհային հիդրոէներգետիկայի հեռանկար 2026» զեկույցի համաձայն՝ Թուրքիան հիդրոէլեկտրակայանների 32.294 ՄՎտ հզորությամբ Եվրոպայում զբաղեցնում է 2-րդ, իսկ աշխարհում՝ 9-րդ տեղը։ Զեկույցում նշվում է, որ Եվրոպայում Թուրքիան զիջում է միայն Նորվեգիային՝ առաջ անցնելով Ֆրանսիայից, Իսպանիայից և Իտալիայից։
Ըստ զեկույցի՝ հիդրոէներգետիկան շարունակում է մնալ վերականգնվող էլեկտրաէներգիայի ամենախոշոր աղբյուրն աշխարհում։
Այս համատեքստում Թուրքիայի ոլորտի մասնագետներն անհրաժեշտ են համարում հատկապես կուտակիչ պոմպային հիդրոէլեկտրակայանների ներդրումները՝ էներգետիկ անվտանգության ամրապնդման և վերականգնվող էներգիայի առավել արդյունավետ ինտեգրման նպատակով։
Աղբյուր՝ Manşet Haber
