«Թուրքիայի վիճակագրական ինստիտուտի» (TÜİK) հրապարակած պաշտոնական տվյալների համաձայն՝ հունիսին սպառողական գները նախորդ ամսվա համեմատ աճել են 0․99%-ով, իսկ տարեկան գնաճը նվազել է մինչև 32․11%։
Համեմատության համար նշենք, որ մայիսին պաշտոնական տարեկան գնաճը կազմում էր 32․61%։ Ըստ պաշտոնական վիճակագրության՝ նախորդ տարվա դեկտեմբերի համեմատ գներն աճել են 17․76%-ով։
Ի հակադրություն պաշտոնական տվյալների՝ անկախ տնտեսագետներից կազմված «Գնաճի հետազոտության խումբը» (ENAG) հայտնել է, որ Թուրքիայում իրական գնաճը շատ ավելի բարձր է, քան պաշտոնական ցուցանիշները։ Ըստ «ENAG»-ի հաշվարկների՝ հունիսին ամսական գնաճը կազմել է 1․94%, իսկ տարեկան իրական գնաճը հասել է 51․49%-ի։
Աղբյուր՝ Diken
