Թուրքիան, Լատինական Ամերիկայի և Կարիբյան ավազանի (LAK) երկրների հետ հարաբերությունների զարգացման ռազմավարության շրջանակներում, շարունակում է ամրապնդել իր տնտեսական ներկայությունը տարածաշրջանում:
2026-ի 1-ին կեսի տվյալներով՝ դեպի այս տարածաշրջան իրականացված արտահանման ծավալները նախորդ տարվա նույն ժամանակահատվածի համեմատ աճել են 4.5 %-ով՝ կազմելով 2.5 մլրդ դոլար: Հատկանշական է, որ վերջին 25 տարում Թուրքիայի և Լատինական Ամերիկայի միջև առևտրաշրջանառությունն աճել է շուրջ 18 անգամ՝ 2000-ի 920 մլն դոլարից հասնելով 16.4 մլրդ դոլարի:
Տարածաշրջանում թուրքական ապրանքների համար ամենախոշոր շուկան դարձել է Մեքսիկան, որտեղ արտահանվել է 641.7 մլն դոլարի արտադրանք՝ հիմնականում ավտոմոբիլային ապրանքներև էլեկտրոնիկա: Երկրորդ հորիզոնականում Բրազիլիան է՝ 458.9 մլն դոլարով, որին հաջորդում են Պերուն, Շիլին և Պանաման:
Տնտեսական գործակցությունն ընդգրկում է նաև ներդրումային դաշտը. Թուրքիայում ներկայումս գործում է լատինամերիկյան կապիտալով 688 ընկերություն, որոնց ներդրումների ընդհանուր ֆոնդը կազմում է 3.4 մլրդ դոլար: Թուրքիայի առևտրի նախարարությունը նպատակ ունի առաջիկայում ընդլայնել ազատ առևտրի համաձայնագրերի աշխարհագրությունը և ակտիվորեն համագործակցել տարածաշրջանային այնպիսի կառույցների հետ, ինչպիսիք են «MERCOSUR»-ը (Հարավային Ամերիկայի երկրների ընդհանուր շուկա) և Խաղաղօվկիանոսյան դաշինքը:
Աղբյուր՝ CNN
