Թուրքիայի նախագահ Ռեջեփ Թայիփ Էրդողանը Անկարայում հյուրընկալել է Ավստրիայի կանցլեր Քրիստիան Շտոքերին։ Հանդիպումից հետո տեղի ունեցած համատեղ մամուլի ասուլիսի ժամանակ Էրդողանը նշել է, որ երկու երկրները համագործակցության մեծ ներուժ ունեն կանաչ էներգետիկայի, բարձր տեխնոլոգիաների, տրանսպորտի և ռազմարդյունաբերության ոլորտներում։
Կողմերը նպատակադրվել են 2025-ին երկկողմ առևտրաշրջանառության ծավալը ներկայիս 4.5 մլրդ դոլարից հասցնել 5 մլրդ դոլարի։ Նշվել է նաև, որ Թուրքիայում գործում է ավելի քան 1000 ավստրիական ընկերություն, իսկ ավստրիական ուղղակի ներդրումների ծավալը գերազանցել է 11 մլրդ դոլարը։ Բացի այդ, Էրդողանն առաջարկել է ստեղծել Տնտեսական և առևտրային համատեղ կոմիտե՝ կապերն ավելի ամրապնդելու համար։
Տնտեսական հարցերից հարցերից զատ քննարկվել են նաև Թուրքիա-ԵՄ հարաբերությունները, մաքսային միության արդիականացումը և վիզաների ազատականացման գործընթացը։ Անդրադարձ է կատարվել նաև տարածաշրջանային խնդիրներին. Սիրիայի տարածքային ամբողջականությանը, Գազայի հատված ուղարկված մարդասիրական օգնությանը և Բալկաններում կայունության պահպանմանը։
Աղբյուր՝ TRT Haber
