Թուրքիայի արտգործնախարար Հաքան Ֆիդանն օգոստոսի 13-14-ը կմեկնի Եգիպտոս՝ մասնակցելու Թուրքիա-Եգիպտոս համատեղ պլանավորման խմբի (JPG) երկրորդ հանդիպմանը։ Այցի ընթացքում Ֆիդանը կհանդիպի Եգիպտոսի նախագահ Աբդել Ֆաթթահ ալ-Սիսիի և արտգործնախարար Բադր Աբդելատիի հետ։
Այցի ընթացքում կքննարկվեն Թուրքիա-Եգիպտոս հարաբերությունները, մասնավորապես քաղաքական, տնտեսական, առևտրային և ռազմական ասպեկտով։ Կողմերը զարգացնում են նաև առձևտրային հարաբերությունները և նպատակադրված են երկկողմ առևտրի ծավալը հասցնել 15 մլրդ դոլարի։
Ակնկալվում է, որ Ֆիդանը կքննարկի նաև համագործակցության հնարավորությունները տարբեր ոլորտներում, այդ թվում՝ ածխաջրածինների, էլեկտրաէներգետիկ ցանցի ինտեգրման, էներգետիկ ենթակառուցվածքների, հանքարդյունաբերության, ռազմական ու ռազմարդյունաբերության ոլորտներում:
Անդրադարձ կկատարվի նաև Հորմուզի նեղուցին, Գազայում տիրող իրավիճակին, Սիրիային, Լիբիային և Արևելյան Միջերկրականին։
Աղբյուր՝ TRT Haber
