Թուրքիայի և Միացյալ Արաբական Էմիրությունների (ԱՄԷ) միջև ոչ նավթային առևտրաշրջանառության ծավալը 2025-ին հասել է 45․2 մլրդ դոլարի։ Այս ցուցանիշը նախորդ տարվա համեմատ արձանագրել է 15․5% աճ, ինչի շնորհիվ Թուրքիան դարձել է ԱՄԷ-ի ոչ նավթային 5-րդ խոշորագույն առևտրային գործընկերը։
Երկկողմ տնտեսական ակտիվությունն իր արտացոլումն է գտնում նաև զբոսաշրջության ոլորտում։ 2026թ. հոկտեմբերի 1-4-ը «BTB Tours» տուրիստական ընկերության և «Դուբայի էկոնոմիկայի և զբոսաշրջության դեպարտամենտի» (DET) համագործակցությամբ Դուբայում կկայանա թուրքական տուրիստական ոլորտի մասնագետների հանդիպում։ Հավաքի նպատակն է քննարկել Դուբայի զբոսաշրջային նոր ռազմավարությունները, Թուրքիայի շուկայի ընձեռած հնարավորություններն ու երկու երկրների միջև զբոսաշրջային հոսքերի դիվերսիֆիկացումը։
Հատկանշական է, որ 2025-ին Դուբայն ընդունել է ռեկորդային թվով՝ 19․59 մլն զբոսաշրջիկ։ Միևնույն ժամանակ Դուբայի միջազգային օդանավակայանը սպասարկել է պատմականորեն ամենաշատ՝ 95․2 մլն ուղևոր, որից դեպի Թուրքիա և հակառակ ուղղությամբ ուղևորափոխադրումն աճել է 6․7%-ով՝ կազմելով 2․2 միլիոնի։
Աղբյուր՝ Eko Türk
