Թուրքիայի խորհրդարանի արտաքին հարաբերությունների հանձնաժողովի նախագահ Ֆուաթ Օքթայի գլխավորած պատվիրակությունը մեկնել է Չեխիա։ Մայրաքաղաք Պրահայում քննարկվել են երկկողմ հարաբերությունները, անդրադարձ է կատարվել տնտեսական ու ռազմարդյունաբերական ոլորտներին։
Օքթայը նշել է, որ երկու երկրների առևտրի ծավալը կազմել է 6.5 մլրդ դոլար ու մտադիր են այն հասցնել 10 մլրդ դոլարի։ Ըստ նրա՝ երկկողմ հարաբերությունները լայն հնարավորություններ են ընձեռում զարգացնելու համագործակցությունը տնտեսական, ռազմարդյունաբերական, զբոսաշրջության, տեխոնլոգիական ու նորարական ոլորտներում։
Օքթայը նշել է, որ մեկ տարում 400.000 զբոսաշրջիկ է այցելել Թուրքիա և մոտավորապես 100.000 Թուրքիայի քաղաքացի էլ մեկնել է Չեխիա։ Կողմերը բացի երկկողմ հարաբերություններից անդրադարձել են նաև ռուս-ուկրաինական հակամարտությանը, Գազայում ու Հորմուզի նեղուցում տիրող իրավիճակին։
Աղբյուր՝ Haberler.com
