Թուրքիայի և Վիետնամի միջև առևտրի ծավալը 2025-ին կազմել է 3.4 մլրդ դոլար։ Վիետնամում Թուրքիայի դեսպան Քորհան Քեմիքը հայտնել է, որ առաջիկայում մտադիր են առևտրի ծավալը հասցնել 4 մլրդ դոլարի։
Դեսպանի խոսքով՝ 2026-ի 9 ամսվա ընթացքում երկու երկրների առևտրի ծավալն արդեն հասել է 2.4 մլրդ դոլարի ու կողմերը նպատակ ունեն ոչ միայն ավելացնել առևտրաշրջանառությունը, այլև այն դարձնել ավելի հավասարակշռված։
Քեմիքը նաև նշել է, որ երկու երկրների տնտեսական կապերի զարգացմանը կնպաստեն Հո Շի Մին քաղաքում Թուրքիայի գլխավոր հյուպատոսության բացումը, թուրքական ընկերությունների մասնակցությունը Վիետնամի ենթակառուցվածքային ծրագրերին և Թուրքիայի ազգային ավիափոխադրող «Թուրքական ավիաուղիներ»-ի չվերթների ավելացումը դեպի Վիետնամ։
Նրա խոսքով՝ Թուրքիայի և Վիետնամի հարաբերությունները զարգանում են ռազմավարական գործընկերության ուղղությամբ։
Աղբյուր՝ Haberton
