Թուրքիայի պաշտպանության նախարարությունը հայտնել է, որ Եգիպտոսի ռազմաօդային ուժերի հետ համատեղ անցկացվում են օդային վարժանքներ։ Նշենք, որ երկու երկրների ռազմաօդային ուժերի համատեղ վարժանքները մեկնարկել են հունիսի 4-ին և կշարունակվեն մինչև հունիսի 17-ը։
Եգիպտոսի զինված ուժերի խոսնակ Գարիբ Աբդուլհաֆիզ Գարիբը հայտնել է, որ տարբեր տեսակի բազմաֆունկցիոնալ կործանիչների մասնակցությամբ վարժանքները կշարունակվեն մի քանի օր Եգիպտոսի տարբեր ավիաբազաներում։
Գարիբը նշել է, որ տարբեր օդային գործողությունների համար անցկացվել են նաև ուսումնական թռիչքներ՝ կողմերի միջև համակարգումը ամրապնդելու և համատեղ օպերատիվ կարողությունները զարգացնելու համար։
Զորավարժությունների նպատակն էր բարելավել մասնակից ստորաբաժանումների հմտությունները, բարձրացնել նրանց պատրաստվածությունը և օպերատիվ կարողությունների մակարդակը, որպեսզի նրանք կարողանան բարձր արդյունավետությամբ կատարել համատեղ օդային առաքելություններ տարբեր պայմաններում։
Աղբյուր՝ Haber7
