Թուրքիայի արտգործնախարար Հաքան Ֆիդանը հեռախոսազրույց է ունեցել Իտալիայի փոխվարչապետ և արտգործնախարար Անտոնիո Տայանիի հետ։ Կողմերը քննարկել են տարածաշրջանում պատերազմը դադարեցնելուն ուղղված ջանքերը։ Տայանին նշել է, որ ՆԱՏՕ-ի անդամ, բարեկամ և դաշնակից Թուրքիայի օդային տարածքի խախտումներից հետո հեռախոսազրույցի ընթացքում Իտալիայի համերաշխությունն է փոխանցել Հաքան Ֆիդանին։
Ըստ նրա՝ կարևոր է, որ բոլոր տարածաշրջանային դերակատարները գործեն զգուշորեն և զուսպ՝ երկխոսության ուղին բաց պահելու համար, ու հավելել է, որ Թուրքիան կարող է օգտակար բանակցային դեր խաղալ։ Իտալիայի արտգործնախարարը նաև նշել է, որ կշարունակեն համատեղ աշխատել՝ Հորմուզի նեղուցի փակումը կանխելու և այս հակամարտության տնտեսական ազդեցությունը մեղմելու համար։
Աղբյուր՝ TRT Haber
