Թուրքիայի նախագահ Ռեջեփ Թայիփ Էրդողանը և առաջին տիկին Էմինե Էրդողանն ընդունել են Բելգիայի թագուհի Մաթիլդային։ Ըստ Թուրքիայի նախագահի հանրային կապերի վարչության տարածած հաղորդագրության՝ կողմերը քննարկել են երկկողմ հարաբերությունները, տարածաշրջանային և գլոբալ հարցեր։
Էրդողանը հայտնել է, որ Թուրքիան և Բելգիան համագործակցության ներուժ ունեն բազմաթիվ ոլորտներում՝ առևտրայինից մինչև ռազմարդյունաբերություն և էներգետիկայի ոլորտից մինչև գյուղատնտեսության ոլորտ ու շարունակվելու են քայլեր ձեռնարկվել այդ հարաբերությունները զարգացնելու ուղղությամբ։
Էրդողանը նաև հայտարարել է, որ տարածաշրջանում վերջին զարգացումները կրկին ցույց են տվել Թուրքիա-Եվրամիություն (ԵՄ) հարաբերությունների աշխարհաքաղաքական կարևորությունը, որ Մաքսային միության թարմացումն այն ոլորտներից է, որտեղ անհրաժեշտ է անհապաղ առաջընթաց գրանցել մինչև իսկ լիիրավ անդամակցություն։
Աղբյուր՝ TRT Haber
