Հունական «Kathimerini» թերթում հրապարկվել է «Մտահոգություն Կահիրե-Անկարա սիրախաղի կապակցությամբ. Աթենքի դիրքորոշումը» վերնագրով հոդված։ Թերթը գրել է, որ Աթենքն ուշադիր հետևում է Եգիպտոսի և Թուրքիայի դիվանագիտական մերձեցմանը, ինչը մտահոգությունների տեղիք է տալիս։
Մասնավորապես մտահոգություն է առաջացնում նրանց դիվանագիտական շփումների աճը Էգեյան ու Արևելյան Միջերկրական ծովերում ու նրանց մերձեցումը կարող է ազդել տարածաշրջանային հավասարակշռության վրա։ Նշվում է, որ Հունաստանը տեղեկացված չի եղել Կահիրեում Սաուդյան Արաբիայի, Պակիստանի, Թուրքիայի և Եգիպտոսի քառակողմ հանդիպման մասին:
Ըստ թերթի՝ վերջին 1 տարվա զարգացումները թուլացրել են Աթենքի և Կահիրեի վստահությունը և մեծացրել դիվանագիտական լարվածությունը Լիբիայի հարցի շուրջ։ Ուշադրություն է հրավիրվում նաև Թուրքիայի և Եգիպտոսի՝ Քոնիայում անցկացրած ռազմական վարժանքների վրա։
Դրա հետ մեկտեղ շեշտվում է, որ զորավարժություններն այնքան մտահոգիչ չեն, որքան Թուրքիա-Եգիպտոս մերձեցումը։ Համարվում է, որ Իսրայելի գործոնն ազդեցիկ է եղել Եգիպտոսի և Թուրքիայի մերձեցման հարցում։
Աղբյուր՝ Hürriyet
