Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն 5-րդ ծովային գագաթնաժողովի շրջանակներում հանդիպել է Եգիպտոսի տրանսպորտի նախարար Քամել ալ-Վազիրի հետ։ Երկրների միջև ստորագրվել է «Միջազգային տրանսպորտային միջանցքների օգտագործման ոլորտում համագործակցության վերաբերյալ փոխըմբռնման հուշագիր»։
Ուրալօղլուն նշել է, որ այդ համաձայնագրով համատեղ քայլեր կձեռնարկվեն միջազգային տրանսպորտային միջանցքների, առաջին հերթին Միջին միջանցքի ու Զարգացման ճանապարհի արդյունավետ օգտագործումը բարձրացնելու ու տարանցիկ փոխադրումերն ուժեղացնելու համար։
«Այս հուշագրով մենք համատեղ քայլեր կձեռնարկենք միջազգային տրանսպորտային միջանցքների, առաջին հերթին՝ Միջին միջանցքի և Զարգացման երթուղու արդյունավետ օգտագործումը բարձրացնելու և տարանցիկ փոխադրումները հզորացնելու համար։ Մենք զարգացնում ենք մեր համագործակցությունը տրանսպորտային ոլորտում՝ զարգացնելով «Ro-Ro» ծովային երթուղիները, որոնք հնարավորություն են տալիս ծովային ճանապարհով տեղափոխել ճանապարհային տրանսպորտային միջոցներ, հեշտացնելով տրանսպորտային գործընթացները և մեծացնելով ուղևորների և բեռների շարժունակությունը»,- նշել է Ուրալօղլուն։
Աղբյուր՝ TRT Haber
