Թուրքիայի նախագահի աշխատակազմի հանրային կապերի վարչությունը հայտնել է, որ տեղի է ունեցել Ռեջեփ Թայիփ Էրդողանի ու Դոնալդ Թրամփի հեռախոսազրույցը։
Նշվել է, որ զրույցի ընթացքում նախագահները քննարկել են երրկողմ հարաբերությունները, ինչպես նաև տարածաշրջանային զարգացումները։
Էրդողանը նշել է, որ Պակիստանի և Սաուդյան Արաբիայի հետ ստորագրված համատեղ ռազմական համաձայնագրով կողմերը ցուցաբերել են ամուր դիրքորոշում տարածաշրջանային կայունության և անվտանգության ապահովման հարցում։
Թուրքիայի նախագահն ընդգծել է, որ այն ժամանակ, երբ փորձ է արվում անցնել Գազայի խաղաղության գործընթացի երկրորդ փուլին, Իսրայելի վարչակազմի կողմից պաղեստինցիներին թիրախավորող գործողությունների աճ է նկատվում։ Ամփոփելով՝ Էրդողանը նշել է, Թուրքիան կշարունակի աջակցել տարածաշրջանում մնայուն խաղաղության և Գազայի վերականգնման ուղղությամբ ձեռնարկվող քայլերին։
Աղբյուր՝ Cumhuriyet
