Թուրքիայի ազգային հետախուզական ծառայության (MİT) ղեկավար Իբրահիմ Քալընը մեկնել է Աֆղանստան։ Նա Քաբուլում հանդիպել է Աֆղանստանի հետախուզության գլխավոր վարչության (GDI) ղեկավար Աբդուլհաք Վասըքի հետ։
Հանդիպումների ընթացքում քննարկվել են Թուրքիայի և Աֆղանստանի միջև անվտանգության և հետախուզության ոլորտներում համագործակցության խորացմանն ուղղված քայլերը, ինչպես նաև գնահատվել են երկկողմ հարաբերությունները։
Կողմերը նաև քննարկել են տարածաշրջանային ու միջազգային հարցեր մասնավորապես ԱՄՆ-ի Իսրայելի կողմից Իրանի դեմ պատերազմը, ահաբեկչության դեմ պայքարը, մաքսանենգության ու թմրանյութի դեմ պայքարը։
Նշենք, որ Քալընը նաև հանդիպել է Աֆղանստանի ժամանակավոր կառավարության էկոնոմիկայի գծով փոխվարչապետ մոլլա Աբդուլ Գանի Բարադարի, պաշտպանության նախարար Մավլավի Մոհամմադ Յակուբ Մուջահիդի և ներքին գործերի նախարար Սիրաջուդդին Հաքքանիի հետ։
Աղբյուր՝ TRT Haber
