Ավիացիոն տվյալներ տրամադրող «OAG» ընկերության վերջին «Megahubs» ինդեքսի համաձայն՝ Ստամբուլի օդանավակայանը դարձել է 2026-ի աշխարհի ամենակապակցված թռիչքային հանգույցը։ Նշվում է, որ Ստամբուլի օդանավակայանն առաջ է անցել Լոնդոնի Հիթրոու օդանավակայանից։
Ըստ «Euronews»-ի՝ վարկանիշը որոշվել է օգոստոսի 2-ին, ժամանման և մեկնման չվերթների միջև վեց ժամվա ընթացքում կատարվող չվերթների փոխկապակցման քանակով, ինչպես նաև օդանավակայանի կողմից սպասարկվող ուղղությունների քանակով։
Աշխարհի ամենակապակցված 10 օդանավակայանները՝
- Ստամբուլի օդանավակայան, Թուրքիա
- Լոնդոնի Հիթրոու օդանավակայան, Միացյալ Թագավորություն
- Ամստերդամի Սխիպհոլ օդանավակայան, Նիդերլանդներ
- Կուալա Լումպուրի միջազգային օդանավակայան, Մալայզիա
- Չիկագոյի Օ’Հարայի միջազգային օդանավակայան, Իլինոյս, ԱՄՆ
- Սեուլի Ինչհոնի միջազգային օդանավակայան, Հարավային Կորեա
- Ֆրանկֆուրտի միջազգային օդանավակայան, Գերմանիա
- Տոկիոյի միջազգային օդանավակայան (Հանեդա), Ճապոնիա
- Փարիզի Շառլ դը Գոլի օդանավակայան, Ֆրանսիա
- Ատլանտայի Հարթսֆիլդ-Ջեքսոն միջազգային օդանավակայան, Ջորջիա, ԱՄՆ
Աղբյուր՝ Oksijen
