Ամերիկյան «Bloomberg News» պարբերականը գրում է, որ Թուրքիայի նախագահ Ռեջեփ Թայիփ Էրդողանը նախատեսում է գնել հարյուրավոր «Boeing» ինքնաթիռներ և «Lockheed Martin» կործանիչներ:
Նշվում է, որ Էրդողանը ցանկանում է դրանց որոշ մասեր արտադրել Թուրքիայում՝ այդպիսով ստանալով 10 մլրդ դոլարի եկամուտ:
Այս համատեքստում ընդգծվում է, որ վերջնական որոշումը ԱՄՆ նախագահ Դոնալդ Թրամփինն է և ըստ այդմ էլ դասավորվելու են թեմայի շուրջ հետագա զարգացումները:
Հիշեցնենք, որ Էրդողանն այժմ գտնվում է Նյու Յորքում՝ մասնակցելու ՄԱԿ գլխավոր ասամբլեայի 80-րդ նիստին, ինչից հետո էլ մեկնելու է Վաշինգտոն՝ հանդիպելու Թրամփի հետ:
Աղբյուր՝ nefes.com.tr
