Նիգերիան Թուրքիայի հետ կխորացնի ռազմական համագործակցությունը

Նիգերիան մտադիր է անվտանգության ոլորտում խորացնել ռազմական համագործակցությունը Թուրքիայի հետ։ Նշվում է, որ Նիգերիայի կառավարությունը ակտիվ դիվանագիտություն է վարում Եվրամիության երկրների ու Թուրքիայի հետ ու նպատակադրված է դիվերսիֆիկացնել արտաքին անվտանգության գործընկերներին՝ նվազեցնոլով կախվածությունն ԱՄՆ-ից։

Ընթացիկ տարվա հունվարին Նիգերիայի նախագահ Բոլա Ահմեդ Ադեկունլե Թինուբուն պետական այցով մեկնել էր Թուրքիա։ Իսկ Նիգերիայում Թուրքիայի դեսպան Մեհմեթ Պորոյը նշել էր, որ Թուրքիան աշխարհում անօդաչու թռչող սարքերի արտադրությմաբ առաջատարների թվում է և թուրքական ընկերությունները Նիգերիային կմատակարարեն ռազմական սարքավորումներ և համակարգեր։

Նշենք, որ Նիգերիայի ռազմաօդային ուժերը նախկինում Թուրքիայից ձեռք էին բերել 6 միավոր «ATAK T129» մարտական ​​ուղղաթիռ, ինչպես նաև անօդաչու թռչող սարքեր։

Աղբյուր՝ Anadolu Ajansı