Թուրքիան և Մոնղոլիան խորացնում են ռազմական հարաբերությունները

Թուրքիայի պաշտպանության նախարար Յաշար Գյուլերը հանդիպել է Մոնղոլիայի պաշտպանության նախարար Բաթլութ Դամբայի հետ։ Կողմերը քննարկել են երկկողմ համագործակցության զարգացումը ռազմական ոլորտում ու անդրադարձել ռազմական պատրաստության համատեղ ուսումնասիրությունների անցկացմանը և ինստիտուցիոնալ հիմքի վրա առկա հարաբերությունների ամրապնդմանը։

Կողմերը ստորագրել են «Ռազմական պատրաստության համագործակցության մասին համաձայնագիր», որով կամրապնդեն երկկողմ ռազմական հարաբերությունները։

Ստորագրված համաձայնագրով երկրները նպատակադրված են ընդլայնել Թուրքիայի և Մոնղոլիայի համագործակցությունն այնպիսի ոլորտներում, ինչպիսիք են զինվորական անձնակազմի պատրաստումը, փորձի փոխանակումը և ուսումնական ծրագրերի մշակումը։

Աղբյուր՝ Ankaranethaber.com