ՆԱՏՕ-ի ռազմական կոմիտեի նախագահ Ջուզեպպե Կավո Դրագոնեն խոսել է ՆԱՏՕ-ում Թուրքիայի դերի մասին։ Նշել է, որ Թուրքիան դաշինքի ամենակարևոր անդամներից է ոչ միայն իր աշխարհագրական դիրքի, այլև դաշինքում ունեցած ներդրման ու ստանձնած պարտավորությունների շնորհիվ։
Ապա հավելել է, որ Թուրքիայի տեխնոլոգիական առաջընթացը կարող է նաև նպաստել ՆԱՏՕ-ի զսպման կարողություններին։ Ըստ նրա՝ Թուրքիան դաշինքի կողքին է եղել դրա հիմնադրումից ի վեր, և բազմաթիվ ոլորտներում Անկարան օրինակ է ծառայել անդամ երկրների համար։
«Թուրքիան, անկասկած, ՆԱՏՕ-ի հավատարիմ դաշնակիցն է», – նշել է Դրագոնեն՝ ընդգծելով, որ դաշինքի շրջանակներում Թուրքիան դարձել է հուսալիության առանցք։
Դրագոնեն նաև խոսել է նաև թուրքական ռազմարդյունաբերության մասին՝ նշելով, որ վերջին տարիներին կատարված ներդրումներն ուշագրավ արդյունքների են հանգեցրել։ Նրա խոսքով՝ Թուրքիան այսօր ունի հզոր արդյունաբերական ենթակառուցվածք։ Ըստ նրա՝ Թուրքիայի տեխնոլոգիական առաջընթացը կարող է նպաստել ՆԱՏՕ-ի զսպման կարողությունների ավելացմանը։
Աղբյուր՝ T24
