Սև ծովում հարձակման է ենթարկվել թուրքական ընկերությանը պատկանող նավ

Ուկրաինայի Օդեսա քաղաքի մերձակա ջրերում թուրքական ընկերությանը պատկանող «Atlas Bey» քաղաքացիական առևտրային նավը ենթարկվել է անօդաչու թռչող սարքի (ԱԹՍ) հարձակման։ Ադրբեջանի արտաքին գործերի նախարարության տարածած հայտարարության համաձայն՝ միջադեպը տեղի է ունեցել տեղական ժամանակով ժամը 15:15-ի սահմաններում։

Նշվում է, որ նավի անձնակազմի անդամներից 11-ը եղել են Ադրբեջանի քաղաքացիներ։ Բացառությամբ նավապետի, ով նույնպես Ադրբեջանի քաղաքացի է, անձնակազմի մյուս բոլոր անդամներն արդեն տարհանվել և ցամաք են դուրս բերվել Օդեսայում։ Նրանց առողջական վիճակը գնահատվում է լավ։ Այս պահին շարունակվում են անհետ կորած համարվող նավապետի որոնողական աշխատանքները։

Ադրբեջանի ԱԳՆ-ն հայտնել է նաև, որ Կիևում Ադրբեջանի դեսպանատունը մշտական կապի մեջ է համապատասխան կառույցների հետ և ձեռնարկվում է անհրաժեշտ քայլեր տուժած քաղաքացիներին հյուպատոսական աջակցություն ցուցաբերելու ուղղությամբ։

Աղբյուր՝ Haber7