Թուրքիայի նախագահը մի շարք զինվորականների նոր կոչումներ կշնորհի

Թուրքիայում նախագահ Ռեջեփ Թայիփ Էրդողանի գլխավորությամբ տեղի կունենա Ռազմական բարձրագույն խորհրդի (YAŞ) հերթական նիստը։ Նախագահական նստավայրում կայանալիք հանդիպումից առաջ խորհրդի անդամները կայցելեն Աթաթուրքի դամբարան՝ Անըթքաբիր։

Նշվում է, որ նիստին առաջին անգամ մասնակցելու են արդարադատության նախարար Աքըն Գյուրլեքը, ներքին գործերի նախարար Մուսթաֆա Չիֆթչին և ցամաքային զորքերի հրամանատար, բանակի գեներալ Մեթին Թոքելը։

Նիստում քննարկվելու են Թուրքիայի զինված ուժերի բարձրաստիճան սպայական կազմի առաջխաղացման, նշանակումների, պաշտոնավարման ժամկետների երկարաձգման և թոշակի անցնելու վերաբերյալ հարցերը: Մասնավորապես՝ օրակարգում են լինելու գնդապետների, գեներալների և ծովակալների կոչումների բարձրացման ու զբաղեցրած պաշտոններում հնարավոր փոփոխությունների վերաբերյալ թղթապանակները:

Ռազմական բարձրագույն խորհրդի ընդունած որոշումները կհրապարակվեն Էրդողանի կողմից վավերացվելուց հետո։

Աղբյուր՝ Trt Haber